Kontoret for valdsoffererstatning behandlar søknader og krav knytte til valds- og seksuallovbrot frå heile landet, for straffesaker som er avgjorde både med og utan domstolsbehandling. Arbeidet ved Kontoret for valdsoffererstatning gir særleg innsikt i strafferett, erstatningsrett og forvaltningsrett. Vi tilbyr ein spennande og sosial arbeidsplass med eit miljø der dei tilsette erfarer at dei blir tekne godt imot både på og utanfor jobben.
Vi tilbyr òg praksisplassar, sommarjobb og skriveplass for masterstudentar med moglegheit for deltidsstilling. Du kan òg bli betre kjend med oppgåvene våre og dei tilsette via video på Linkedin og podcast frå Heia Nord-Norge.
Dersom dette høyrest interessant ut, vil vi gjerne høyre frå deg!
